युवालाई आर्थिक रुपमा आत्मनिर्भर बनाउनु पर्छः अकल बहादुर बम

कालपृष्ठ समाचारदाता
नेपालगन्ज, २२ कात्तिक
आसन्न प्रदेश सभा निर्वाचनमा उम्मेदवारी दिएका अकल बहादुर बमले नगरमा युवाहरुको लागि रोजगारीको सृजना गर्ने मुख्य एजेन्डाको रुपमा रहेको बताएका छन् । राजनिति रुपमा युवाहरु आत्मनिर्भर हुनका लागि आर्थिक रुपमा आत्मनिर्भर हुनु पर्ने उनले बताए । तत्कालिन मध्यपश्चिम क्षेत्रीय खेलकुद विकास समितिका अध्यक्ष रहेका बम बाँके क्षेत्र नम्बर २ बाट प्रदेश सभाका उम्मेदवार हुन् । उनले बाँके क्षेत्र नम्बर २(ख)बाट माओवादी केन्द्रबाट लुम्बिनी प्रदेश सभा सदस्य पदका लागि उम्मेदवारी दिएका छन् ।

मंगलबार नेपालगन्ज नगरमा घरदैलोका क्रममा उम्मेदवार बमले आफनो घोषणा पत्रमा नगरको भौतिक पुर्वाधारको स्तर उन्नतीको साथैं युवाहरुलाई मुख्य रुपमा रोजगारसँग जोड्ने आफनो प्रतिवद्धता पत्रमा उल्लेख गरेको बताएका छन् ।
युवा व्यवसायी बमले नेपालगन्ज नगरलाई साविकको कर्णालीसँग जोडेर आर्थिक उन्नतीको बाटोमा लग्ने सकिने बताए । उनले भने,‘नेपालगन्ज नगर नेपालको ऐतहासिक नगर हो । शिक्षा, स्वास्थ्य, संस्कृति र पुर्वाधारका हिसाबले हामी अन्य भन्दा अगाडी छौं । तर यहाँ अझै थुप्रै समस्या छन् । जनताको आर्थिक स्तर माथि उकास्नु पनि यहाँको मुख्य चुनौति हो । नेपालगन्ज व्यापारिक केन्द्र हो । यहाँको विकाससँग युवालाई जोडन सक्नु पर्छ । कर्णालीको उत्पादनलाई सहज रुपमा यहाँ ल्याएर बिक्री गर्ने वातावरणको विकास गर्नु पर्छ । यहाँका नागरिकले कर्णालीमा गएर लगानी गर्ने वातावरणको सृजना गर्नु पर्छ ।’

मध्यपश्चिम क्षेत्रीय खेलकुद विकास समितिको अध्यक्ष हुँदा बमले खेलकुदका क्षेत्रमा थुप्रै सुधार गरेका थिए । खेलकुद क्षेत्रले नेपालगन्जको पहिचानलाई बढाउने वातावरण निर्माण गर्ने कुराहरुलाई आफुले प्राथमिकतामा राखेको उनले बताए ।