एनआरएन टेक्सास च्याप्टर कोषाध्यक्षमा ओझाको उम्मेदवारी

टेक्सास-  समाजसेवी सतिशप्रसाद ओझाले एनआरएन टेक्सास च्याप्टरको कोषाध्यक्ष पदमा उम्मेदवारी दिनु भएको छ ।

च्याप्टरको आगामी निर्वाचनका लागि उम्मेदवारी दिएपछि ओझाले सहयोग र समर्थनका लागि नेपाली समुदायसग अपील गर्नु भएको छ । लामो समयदेखि नेपाली समुदायमा विभिन्न माध्यमबाट समाजसेवामा सकृय ओझा पेशाले विमा व्यवसायी हुनुहुन्छ । टेक्सासमा रहेका विभिन्न नेपाली संघसंस्थाहरुमा आवद्ध ओझा संस्थागतरुपमा अझै प्रभावकारी ढंगले सकृय हुन आफूले उम्मेदवारी घोषणा गरेको बताउनुहुन्छ ।

नेपाली समुदायको सहयोगमा सधै अग्रसर ओझाले आफू एनआरएन सहि अर्थमा नेपालीहरुको सहयोग्ँी संस्था हो भन्ने पुष्टि गर्न थप सकृय हुने प्रतिवद्धता व्यक्त गर्नु भएको छ । एनआरएनलाई अन्य नेपाली संघसंस्थाहरुको सहकार्यमा प्रभावकारी रुपमा अघि बढाउन आफ्नो प्रयास हुने पनि ओझाले बताउनुभयो ।

विभिन्न राज्यबाट बसँई सरेर आउने नेपालीहरुको सहयोगमा आफू एनआरएनको माध्यमबाट अझै सकृय हुने प्रतिवद्धता पनि ओझाले व्यक्त गर्नुभएको छ । भावी सन्नतीका लागि एनआरएनको महत्व महसुस गराउन आवश्यक रहेको पनि उहा“ले महसुस गर्नु भएको छ ।

‘विगतमा गर्दै आएका सामाजिक कार्यलाई अझै सहज र प्रभावकारी ढंगबाट अगाडि बढाउन यसपटक संस्थागतरुपमै सकृय हुने उद्देश्यले उम्मेदवारी दिएको छु’, ओझाले भन्नुभयो, ‘सम्पूर्ण नेपाली समुदायबाट विगतमा जस्तै यसपटक पनि सहयोग प्राप्त हुने विश्वास लिएको छु ।’ नेपालको सुदूरपश्चिममा जन्मिएका ओझा नेपालमा रह“दा पनि विभिन्न संघ संस्थामा आवद्ध रहनुुभएको थियो । नेपालीहरुको साझा संस्थाको रुपमा रहेको एनआरएनकोे अझै विस्तार र सकृयताको आवश्यकता महसुस भइरहेको बेलामा यस कार्यमा ओझाको उम्मेदवारी सहयोगी सिद्ध हुने विश्वास नेपाली समाजले लिएको छ ।