नरैनापुर गाउँपालिका सँगको सहकार्यमा प्राबिधिक धार सन्चालन गरेको जयकिसानले मनायो धान दिवस

कालपृष्ठ समाचारदाता
नेपालगन्ज, १५ असार

बाँकेको नरैनापुर गाउँपालिका स्थित जयकिसान माविले २० औं राष्ट्रिय धान दिवस तथा रोपाई महोत्सव मनाएको छ । धान दिवसको अवसरमा शिक्षक र विद्यार्थीहरुको बृहत्तर सहभागितामा धान दिवस मनाईएको हो ।

सो अवसरमा बोल्दै कार्यक्रमका प्रमुख अतिथि तथा नरैनापुर गाउँपालिकाका आर्थिक विकास समिति संयोजक कृष्णचन्द्र मौर्यले नियमित पठनपाठनका अतिरिक्त सामाजिक–सांस्कृतिक महत्वका यस्ता कार्यक्रमहरूको आयोजनाले नयाँ पुस्तामा संस्कृतिको पुस्तान्तरण हुने बताए ।

उनले यस्ता दिवस तथा कार्यक्रमहरुले नयाँ पुस्तालाई कृषि तर्फ आकर्षित गर्ने उनको भनाई थियो ।

यसै बिच नरैनापुर गाउँपालिकाका कृषि शाखा प्रमुख सदन भण्डारीले धानदिबसको इतिहास, दिवस मनाउनुको उदेश्य, धान आयतको रास्ट्रिय अबस्था लगायत हाल राज्यले धान प्रबर्द्धनको लागि चालेको कदम र नीति तथा कार्यक्रम सम्बन्धि धारणा राखेका थिए ।

उनले नरैनापुरका किसानका लागि सिँचाइ प्रमुख समस्याका रुपमा रहेको बताउदै उनले भने,-‘नरैनापुर गाउपालिकाको कुल क्षेत्रफल मध्ये ३ हजार ९ सय ६६ हेक्टर खेतियोग्य जमिन छ । त्यस मध्ये ३ हजार ७ सय ८ हेक्टर मा खेती हुँदै आएको छ । यहाँ २६० हेक्टर जमिनमा सिचाइ सुबिधा पुगेको छ भने २५७ हेक्टरमा अझै पनि सिचाइ सुबिधा पुग्न सकेको छैन ।’
सिचाइकाे समस्या समाधानका लागि नरैनापुर गाउँपालिका लागि परेको उनले बताए ।
यसैविच कार्यक्रमका अध्यक्ष तथा जयकिसान माविका प्रधानाध्यापक सन्तोस कुमार तिवारीले यस कार्यक्रमले कृषिमैत्री वातावरण निर्माण हुने विषयमा सहयोग पुग्ने विश्वास व्यक्त गरे ।

साथै विद्यालयमा अध्ययनरत विद्यार्थीलाई धान दिवसको महत्व बुझाउन समेत यस कार्यक्रमले सहयोग पुग्ने उनको भनाई थियो ।

कार्यक्रममा विद्यालयका प्रधानाध्यापक तिवारी, आर्थिक विकास समिति संयोजक मौर्य, कृषि शाखा प्रमुख सदन भण्डारी, शिक्षक–शिक्षिका तथा विद्यार्थीहरुको उपस्थिति रहेको थियो ।
नरैनापुर गाउँपालिकामा अवस्थित जयकिसान माविले गाउँपालिकाकाे सहयाेगमा प्राविधिक धार तर्फ कृषि सम्बन्धि अध्ययन समेत सुरु गरिसकेको गरेकाे छ ।