ग्लोबल आइएमइ बैंकले जित्यो अन्तर बैंक फुटसलको उपाधि

कालपृष्ठ समाचारदाता
नेपालगन्ज, ९ वैशाख

अन्तरबैंक फुटसल प्रतियोगिता–२०८१ को उपाधि ग्लोबल आइएमइ बैंकले जितेको छ । शनिबार राति भएको फाइनल खेलमा ग्लोबल आइएमई बैंकले कुमारी बैंकलाई २–१ ले पराजित गर्दै प्रतियोगिताको उपाधि जितेको हो ।

ग्लोबलको तर्फबाट दुर्गा ओली र भावेस भांटले गोल गर्नु भएको थियो । कुमारी बैंकका लागि प्रकाश वयलकोटीले एक गोल गर्नु भयो ।
नेपाल राष्ट्र बैंकको ६९औं वार्षिकोत्सवको अवसरमा नेपाल वित्तीय संस्था कर्मचारी संघ नेपाल राष्ट्र बैंक शाखा समिति नेपालगन्जको आयोजनामा प्रतियोगिता भएको थियो ।

प्रतियोगिता आदर्शनगरस्थित बागेश्वरी फुटसल एन्ड स्पोर्टस हबमा वैशाख ५ देखि ८ गते सम्म भएको थियो ।
प्रतियोगिताको विजेता टोली ग्लोबल आइएमइ बैंकले ट्रफी सहित नगद ५० हजार र उपविजेता कुमारी बंैकले २५ हजार रुपैयाँ प्राप्त गरेको छ ।

प्रतियोगिताको सर्वोत्कृष्ट खेलाडी ग्लोबलकै दुर्गा ओली र उत्कृष्ट गोलकिपरको रुपमा सक्रिय राज भण्डारी पुरस्कृत हुनु भयो । उहाँहरु दुबै जनाले समान १० हजार रुपैयाँ पुरस्कार पाउनु भएको थियो । विजयी खेलाडीलाई राष्ट्र बैंकका उप–निर्देशक राम कुमार कार्कीले पुरस्कृत गर्नु भएको थियो ।

………………