एबिसी स्कुलको स्वागत तथा पुरस्कार वितरण कार्यक्रम सम्पन्न

कालपृष्ठ समाचारदाता
नेपालगन्ज, १० जेठ

नेपालगन्जको एबिसी आवासीय माध्यमिक विद्यालयले स्वागत तथा पुरस्कार वितरण कार्यक्रम सम्पन्न गरेको छ ।
३० वर्ष देखि नेपालगन्जमा गुणस्तरीय शिक्षा प्रदान गदै आएको एबिसी रेसिडेन्टीयल सेकेन्डरी स्कुलले बिहिबार वर्ष विभिन्न विधामा उत्कृष्ट भएका विद्यार्थीलाई पुरस्कृत गरेको थियो ।

विद्यालयमा भर्ना हुन आएका नयाँ विद्यार्थी पनि स्वागत गरिएको थियो ।एबिसी रेसिडेन्टीयल सेकेन्डरी स्कुलको संस्थापक प्रचार्य शशी स्वाँरको अध्यक्षतामा भएको कार्यक्रममा प्रमुख अतिथीको रुपमा शिक्षा विकास तथा समन्वय इकाई बाँकेका प्रमुख राम सुरेश यादव, नेपालगन्ज उप–महानगरपालिका शिक्षा महाशाखा प्रमुख गोर्ख बहादुर थापा लगायतका अतिथीहरुले विद्यार्थीलाई पुरस्कृत गर्नु भएको थियो ।

संस्थापक प्राचार्य स्वाँरले नृत्य, खेलकुद, परीक्षा र अतिरिक्त क्रियाकलापमा उत्कृष्ट स्थान हासिल गर्ने विद्यार्थीलाई पुरस्कृत गरिएको बताउनु भयो ।

संस्थापकहरुको सटिक र कुशल व्यवस्थापन, विद्यालयमा कार्यरत शिक्षक तथा कर्मचारीहरुको कठिन परिश्रमका कारण एबिसी आवासीय माध्यमिक विद्यालयले अभिभावक, शुभचिन्तकहरुको माझ अलग र विशिष्ट स्थान बनाउन सफल रहेको संस्थापक प्राचार्य स्वाँरले बताउनु भयो ।

…………

………..