मेयर तथा उपमेयर कप टि–२० क्रिकेटः योंग गन्सद्वारा एनपिजे राकर्स पराजित

कालपृष्ठ समाचारदाता
नेपालगन्ज, १४ माघ

नेपालगञ्जमा जारी मेयर तथा उपमेयर कप टि–२० क्रिकेट प्रतियोगितामा सोमबार भएको खेलमा योंग गन्स ६४ रनको जित हासिल गरेको छ ।

मंगल प्रसाद माध्यमिक विद्यालयको खेल मैदानमा भएको प्रतियोगितामा एनपिजे राकर्सलाई पराजित गरेको हो ।

योंगले पुरै २० ओभर खेल्दै ८ विकेटको नोक्सानीमा १९१ रन बनाएको थियो । राकर्सले आफ्नो पुरै ओभरको समाप्तीमा ७ विकेट गुमाएर १२७ रनमै समेटिएको थियो ।

प्रतियोगितामा उत्कृष्ट खेल प्रदर्शन गर्ने योंग गन्सका सुनिल भण्डारी “म्यान अफ द म्याच“ बन्न सफल हुनुभयो । साहनीलाई आयोजकले “म्यान अफ द म्याच“ बापत नगद पुरस्कार प्रदान गरेको थियो ।

……….

खेलमा योंग गन्सका आकाश बिष्ट र एनपिजे राकर्सका फरदिन खाँनले समान ३÷३ विकेट लिनुभएको थियो ।

प्रतियोगिता पुरुषतर्फको खेल नकआउटको आधारमा र महिलाहरुको खेल लिगकम नकआउटको आधारमा खेलाइएको प्रतियोगिता संयोजक सुनिल सिंह हमालले जानकारी दिनुभयो ।

प्रतियोगितामा पुरुष तर्फको विजेताले ७५ हजार, उपविजेताले ३५ हजार रुपैयाँ पाउनेछ । महिलातर्फको विजेताले २५ हजार र उपविजेताले १५ हजार रुपैयाँ प्राप्त गर्नेछ ।

पुरुष र महिला तर्फको म्यान अफ द सिरिजले जनही ५ हजार रुपैयाँ पाउनेछ ।