१ सय मिटरमा मनिष र शान्तीले जिते स्वर्ण पदक

कालपृष्ठ समाचारदाता
नेपालगन्ज, २८ फागुन
ज्ञानोदय नमुना माविका मनिष सुनारले शनिबारदेखी सुरु भएको खजुरा गाउँपालिका चौथो अन्तर बिद्यालय मेयर रनिङ शिल्ड खेलकूद प्रतियोगितामा स्वर्ण पदक जितेका छन ।
मनिष पहिलो हुँदा आदर्श माविका सुदिप विक दोस्रो र जनता नमुना माविका मोहित रोका मगर तेस्रो भए । मनिषले दौड ११.५५ सेकेन्ड, सुदिपले ११.८८ र मोहितले १२.१० सेकेन्डमा पुरा गरेका थिए । छात्रा तर्फ जनताकी शान्ती पौडेल पहिलो, आदर्शकी तुल्सी कुमारी सुनार दोस्रो र अमरकी आशिका नेपाली तेस्रो भइन ।

शान्तीले १३.८० सेकेन्ड, तुल्सीले १४.७४ सेकेन्ड र आशिकाले १५.२५ सेकेन्डमा दौड पुरा गरेको सचिवालयका सोम बहादुर विकले जानकारी गराए ।
८ सय मिटर दौडमा ज्ञानोदय नमुनाका सालिक शर्मा पहिलो, मैटहवाका सागर शाही दोस्रो र जनता नमुनाका सुदिप भण्डारी तेस्रो भए । सालिकले २ मिनेट १८.३० सेकेन्ड, सागरले २ मिनेट २८.०३ सेकेन्ड र सुदिपले २ मिनेट २९.१० सेकेन्डमा पुरा गरे ।
छात्रा तर्फ ज्ञानोदयकी राधिका वलीले पहिलो स्थान हासिल गरिन ।
आदर्शकी सन्ध्या चौधरीले दोस्रो र जनता नमुनाकी तिर्सना फौजा मगर तेस्रो भइन । राधिकाले २ मिनेट ५४.९० सेकेन्ड, सन्ध्याले २ मिनेट ५७.३९ सेकेन्ड र तिर्सनाले ३ मिनेट १० सेकेन्डमा दौड पुरा गरिन ।

यसैगरी ज्याभलिन थ्रोमा जनताका कैलाश थापा पहिलो भए । आदर्शका निरज थापा दोस्रो र नेरा मावि मनकामनाका मक्दुम खान तेस्रो भए । कैलाशले ३८.६० मिटर, निरजले ३६.५५ मिटर र मक्दुमले ३५.६९ मिटर दुरी कटाएका थिए । सोही स्पर्धाको छात्रा तर्फ जनसेवाकी पुष्पा कामी पहिलो, आदर्शकी कंचन गुरुङ र जनताकी पल्लवी घिसिङ तेस्रो भइन । पुष्पाले २२.०९ मिटर, कंचनले २०.१९ मिटर र पल्लवीले १९.८९ मिटर दुरी कटाकी थिइन ।
लङजम्पमा ज्ञानोदयका मनिष सुनारले ५.६२ मिटर पार गर्दै पहिलो, अमर माविका रबिन थारु ५.६२ मिटर सहित दोस्रो र जनकल्याणका सनम विक ५.३९ मिटर सहित तेस्रो भएका छन । छात्रा तर्फको स्पर्धामा अमरकी आशिका नेपाली पहिलो, जनता नमुनाकी करुणा सुनार दोस्रो र ज्ञानोदयकी करिस्मा चन्द तेस्रो भइन । आशिकाले ४.१० मिटर, करुणाले ४.०७ मिटर र करिस्माले ३.४१ मिटर जम्प गरेकी थिइन ।
शनिबार भएको ४â४०० मिटर रिले दौडको छात्रा तर्फ आदर्श पहिलो, जनता दोस्रो र जनकल्याण स्कुलले तेस्रो स्थान हासिल गरेको छ । आदर्शकी पुजा खड्का, अस्मिता थापा, तुल्सी कुमारी सुनार र सन्ध्या चौधरीको टिमले ५ मिनेट ०२.१६ सेकेन्डमा दौड पुरा गर्दा जनताकी यशोदा बस्नेत, शान्ती पौडेल, तिर्सना फौजा मगर र मनिष थारुले ५ मिनेट ११.३८ सेकेन्ड र जनकल्याणकी प्रतिभा कुमारी रावल, रेश्मा सुनार, अस्मिता योगी र जानका रानाले ५ मिनेट १७.७७ मिनेटमा दौड पुरा गरेको खजुरा गाउँपालिका शिक्षा, युवा तथा खेलकुद शाखा प्रमुख खगेन्द्र बहादुर मल्लले बताए ।