नेपाली एसोसियसन अफ नर्दन क्यालीफोर्निया (NANC) को नयां नेतृत्व सर्बसम्मत

क्यालिफोर्निया- नेपाली एसोसियसन अफ नर्दन क्यालीफोर्निया (NANC) ले नयां कार्यसमिती पाएको छ ।

यस क्षेत्रका नेपालीहरुको पुरानो संस्था नेपाली एसोसियसन अफ नर्दन क्यालीफोर्निया (NANC) को शनिवार सम्पन्न अधिबेसनले रबिन्द्र कुमार राईको अध्यक्षतामा नयां कार्यसमिती सर्बसम्मत रुपमा चयन गरेको हो ।

दुई वर्षे कार्यकालका लागी चयन भएको समितीको बरिष्ठ उपाध्यक्षमा इश्वरकान्त सिटौला चयन भएका छन् । यसैगरी समितीको उपाध्यक्षमा हेमा पनेरु चयन हुंदा महासचिवमा प्रितेश कार्की तथा कोषाध्यक्षमा  प्रेम परियार चयन भएका छन् ।

यस्तै समिती सदस्यहरुमा निरेन इटेनी, राजेश रानामगर, प्रेमराज के सी, पदम थोकर लामा तामाङ, सागर श्रेष्ठ, राजकुमार पाण्डे र धुर्ब बस्याल  चयन भएको नव निर्वाचित महासचिवमा प्रितेश कार्कीले जानकारी दिनुभयो । महासचिव कार्कीका अनुसार  नयां कार्यसमिती बैठकले सचिव, सहकोषाध्य र एक जना सदस्य मनोनित गरेर १५ सदस्यीय पुर्ण कार्यसमिती बनाउने छ ।

यस क्षेत्रका नेपालीहरुको पुरानो यस संस्थाको नयां कार्यसमितीमा सबै क्षेत्र, बिचार तथा आस्थाको प्रतिनिधित्व हुनेगरी सर्बसम्मत रुपमा चयन गरिएको संस्थाका पुर्ब सल्लाहकार बिश्णु शाहले बताउनुभयो ।