भेरी सहकारीको उत्कृष्ट कर्मचारी सम्मानित

कालपृष्ठ समाचारदाता
नेपालगन्ज, १ वैशाख
भेरी सहकारी बित्तिय संस्था लिमिटेडले नयाँ वर्षको शुभकामना आदान प्रदान कार्यक्रमको अवसरमा सहकारीमा उत्कृष्ट काम गर्ने कर्मचारीलाई सम्मान गरेको छ ।

भेरी सहकारी बित्तिय संस्था लिमिटेडका अध्यक्ष पदम बहादुर भण्डारीको अध्यक्षमा भएको शुभकामना आदान प्रदान कार्यक्रमको अवसरमा कर्मचारीलाई सम्मान गरिएको थियो । २०७८ साललाई विदाई र २०७९ साललाई स्वागतका लागि गरिएको कार्यक्रममा सहकारीको संचालक समिति, लेखा समिति , सल्लाहकार तथा कर्मचारिहरुको उपस्थिति रहेको थियो ।

कार्यक्रममा २०७८ सालमा भएका असमझदारीलाई बिर्सदैं नयाँ वर्षमा नयाँ सोच, नयाँ योजना सहित सहकारीलाई पुर्ण रुपमा प्रविधिमय बनाउदैं नेतृत्व विकासका लागि आवश्यक पर्ने विभिन्न तालिम संचालन गर्ने बारेमा छलफल भएको थियो ।

संचालक समिति र कर्मचारिहरु एक सिक्काको दुई पाटा भएकाले दुबै पक्ष बिच राम्रो समझदारी नै संस्था विकाशको आधार हो भन्ने कुरामा जोड दिदै नयाँ बर्ष २०७९ सालको शुभकामना आदान प्रदान गरिएको व्यवस्थापक शोभा गुरुङले बताइन ।
यसैगरी शुभकामना आदान प्रदान कार्यक्रममा २०७९ सालको भित्तेपात्रो विमोचन गरिएको थियो ।

कोभिड–१९ को पहिलो र दोश्रो लहरमा आफ्नो ज्यानको प्रवाह नगरि संस्थामा खटिएर आफ्ना शेयर सदस्यहरुलाई सेवा प्रदान गरे बापत संस्थाका कर्मचारिहरुलाई नगद सहित सम्मान पत्रले सम्मान गरिएको थियो ।

उक्त कार्यक्रममा स्वागत सहकारीका सचिव देव जंग शाहले स्वागत भनाई राखेका थिए भने व्यवस्थापक शोभा गुरुङले कार्यक्रम संचालन गरेकी थिइन ।

कार्यक्रममा भेरी सहकारी वित्तिय संस्थाकी उपाध्यक्ष बिन्दा खरेल, कोषाध्यक्ष तिल बहादुर खत्री, पुर्ब अध्यक्ष बसन्त लामिछाने, लेखा समिति संयोजक अमृत थापा क्षेत्री, सल्लाहकार श्याम कुमार भट्ट , संचालक सदस्य अन्जु शर्मा, अरुण प्रताप सिह, भिम बहादुर मल्ल, हिम बहादुर नेपालीको उपस्थिती रहेको थियो ।