नयां वर्षको अवसरमा डालसमा नेपाली पोसाक प्रतियोगिता

टेक्सास- टेक्सासको डालसमा नेपाली पोसाक प्रतियोगिता हुने भएको छ ।

नेपाली नयां वर्ष २०७४ को अवसरमा नेपाली समाज टेक्सासको आयोजनामा अन्य बिबिध कार्यक्रम सहित जोडिको लागी नेपाली पोसाक प्रतियोगिता हुन लागेको नेपाली समाज टेक्सासका अध्यक्ष कृष्ण लामिछानेले बताउनुभयो ।

अध्यक्ष लामिछानेका अनुसार यही १५ तारिख शनिवार डालसमा नेपालीहरुको ठुलो मेला लाग्नेछ मेलामा अन्य खेलकुद र सांस्कृतिक कार्यक्रम सहित नेपाली जोडिको लागी पोसाक प्रतियोगिता गरिनेछ ।

नेपाली कला संस्कृति संगै नेपाली पोसाकलाई पनि प्रवासमा संरक्षण गर्ने हेतुले अन्य कार्यक्रम सहित पोसाक प्रतियोगिताको आयोजना गरिएको अध्यक्ष लामिछानेले बताउनुभयो ।

यसअघि पनि नेपाली नयां वर्षका अवसरमा बिभिन्न कार्यक्रम गर्दै आएको टेक्सासका नेपालीहरुको सबैभन्दा ठुलो संस्था नेपाली समाज टेक्सासले यो पटकको नेपाली नयां वर्षलाई अझ व्यापक र फरक ढंगले स्वागत गर्न पार्कमा मेला सहितको भव्य कार्यक्रम गर्न लागेको अध्यक्ष लामिछानेको भनाई छ ।

उहांका अनुसार कार्यक्रमलाई थप मनोरञ्जनात्मक बनाउन हास्य कलाकार बले र कक्रोज सहित स्थानीय कलाकारको भरपुर साथ रहनेछ ।

समयको व्यवस्थापन गरेर डालसको युलेस स्थित  900 Beer Creek park Euless tx 76039 यो ठेगानामा हुन लागेको भव्य कार्यक्रममा उपस्थित हुन नेपाली समाजले सबैमा आग्रह गरेको छ ।

कार्यक्रमलाई भव्य र ऐतिहासिक बनाउन सबै तयारी गरिसकेको नेपाली समाजका अध्यक्ष लामिछानेले बताउनुभयो ।