अमेरीकाबाट शरु गौतमले पानी अभियानलाई हरेक वर्ष आर्थिक सहयोग गर्ने

अष्टिन (टेक्सास)- अमेरीका टेक्सासको अष्टिन निवासी शरु गौतमले नेपालमा पानी अभियानको लागी आर्थिक सहयोग गर्ने हुनुभएको छ ।

हरेक घरमा धारा होस, हरेक गाउंमा सिचाई होस भन्ने नारा सहित पानी अभियान शुरु गरेका पोल्याण्ड निवासी मित्रलाल पार्देको पानी अभियानलाई शरु गौतमले अभियान पुरा नहुदा सम्म हरेक वर्ष नेपाली ७ हजार ७ सय ७७ रुपैंया ७ पैसा सहयोग गर्ने घोषणा गर्नुभएको हो ।

आज भन्दा १४ वर्ष अघि अर्थात बैशाख १४ गते आफु विवाह बन्धनमा बांधिएको दिनको अवसर पारेर दिवंगत हुनुभएका वुवा तोयाराम अधिकारी, आमा गोमा अधिकारी र सस ुरा वुवा गंगाराम गौतमको सम्मान र सम्झनामा पानी अभियानलाई सहयोग गर्न लागेको शरु गौतमले बताउनुभयो । व्यक्तिगत प्रयासमा मित्रलाल पार्देले शुरु गरेको पानी अभियानबाट आफु प्रभावित भएकोले पनि आर्थिक सहयोग घोषणा गरेको गौतमले बताउनुभयो ।

समाजसेवाका लागी कुनै संघ संस्थामा नै लाग्नुपर्छ भन्ने मान्यतालाई मित्रलालको एक्लो प्रयासमा जारी यो पानी अभियानले चुनौती दिएको छ शरुले भन्नुभयो – “अभियानबाट प्रभावित भएर अभियान पुरा नभएसम्म सहयोग गर्ने घोषणा गरेको हुं ।”

आफ्नो अभियानलाई आर्थिक सहयोग गर्ने घोषणा गरेकोमा खुसी व्यक्त गर्दै पानी अभियन्ता पार्देले सबैको साथ र सहयोगमा पानी अभियान सफल हुने बताउनुभयो । नेपालको दाङ बाट पानी अभियानको शुरु गरेका पार्देले अभियान सफल बनाउन आउने १ तारिखदेखी आफ्नो जागिर छाड्ने घोषणा गरिसक्नभएको छ । ।