आउंदो जुन १७ तारिखमा डालसमा “नेजा नाइट”

टेक्सास (डालस)-  नेपाल अमेरीका पत्रकार संघ (नेजा)ले टेक्सासको डालसमा भव्य सांस्कृतिक कार्यक्रम आयोजना गर्ने भएको छ ।

उत्तर अमेरीका क्षेत्रका पत्रकारहरुको संगठन नेजाले आउंदो जुन १७ तारिखमा  “नेजा नाइट”  नाम राखेर भव्य सांस्कृतिक कार्यक्रम गर्न लागेको हो । बिभिन्न घटना तथा दुर्घटनामा पर्ने पत्रकारहरुको सहयोगार्थ आपतकालिन कोषका लागी कार्यक्रम गर्न लागेको कार्यक्रम संयोजक किशन रेग्मीले बताउनुभयो ।

ख्यातीप्राप्त कलाकारहरुको साथमा बिभिन्न सांगितीक प्रस्तुती रहने कार्यक्रमले उपस्थित दर्शकलाई भरपुर मनोरञ्जन प्रदान गर्ने कार्यक्रम संयोजक रेग्मीले बताउनुभयो । यसअघि नेजाले यस्तै कार्यक्रम न्युयोर्क र भर्जिनियामा सम्पन्न गरिसकेको छ ।

टेक्सासको डलासमा गर्नलागेको नेजा नाईट तेस्रो हो । कलाकारहरूको संयोजनको तयारीमा रहेका संयोजक रेग्मीले अमेरिकामा रहेका कलाकारहरूलाई नै विशेष प्राथमिकता दिईने बताउनुभयो ।

उहांका अनुसार लोकगायक प्रेमराजा महतदेखी गायक गायिकाहरू दिपेश किशोर भट्टराई, विमलडॉगी, संगिता थापामगर, निक्की कार्की, नायक दिलिप रायमाझी, नायिका रंजना शर्मा, हास्यकलाकार नारायण त्रिपाठी,अर्जुन दाहाल लगायत अस्ट्रेलियामा रहेका गायक समिर आचार्य सँग पनि कुरा भैरहेको छ ।