लागु औषध प्रयोग रोकथामका लागि विद्यार्थीसँग छलफल

कालपृष्ठ समाचारदाता
नेपालगन्ज, ५ असार

लागु औषध प्रयोग रोकथाम तथा न्युनिकरण सम्बन्धि छलफल तथा अन्तरक्रिया कार्यक्रम सम्पन्न भएको छ । नेपालगन्ज उप–महानगरपालिका भित्रका दुईवटा विद्यालयमा सो छलफल तथा अन्तरक्रिया कार्यक्रम सम्पन्न भएको हो ।

नेपालगन्ज उप–महानगरपालिका–१० स्थित शारदा मावि तथा युद्व संस्कृत माध्यामिक विद्यालयमा लागु औषध प्रयोग रोकथाम तथा न्युनिकरण सम्बन्धि छलफल तथा अन्तरक्रिया कार्यक्रम गरिएको थियो ।

शारदा माविमा भएको कार्यक्रममा ६८ जना विद्यार्थीहरुको सहभागिता रहेको थियो भने, युद्व संस्कृत माध्यामिक विद्यालयमा ७४ जना विद्यार्थी सहभागि थिए ।

त्यस अवसरमा बालबालिका बाटै सचेतना कार्यक्रम गर्नसके लागु औषध प्रयोगमा न्युनिकरणका लागि बल पुग्ने लागु औषध विरुद्व निशुल्क परामर्श केन्द्र नेपालगन्ज बाँकेका अध्यक्ष दिपेन्द्र कुमार जैसीले बताए । यसदिन सम्पन्न भएको कार्यक्रममा विद्यार्थीहरुलाई मात्रै सहभागि गराईएको उनले जानकारी दिए ।

यसै अवसरमा दुवै विद्यालयमा हाजिरी जवाफ कार्यक्रम समेत सम्पन्न भएको थियो । विभिन्न विद्यालयमा सोहि कार्यक्रम आगामी ९ सम्म हुने जानकारी दिँदै उनले त्यस प्रतियोगितामा प्रथम द्वितिय तथा तृतिय हुनेलाई आगामी असार १० गते औपचारिक कार्यक्रमको आयोजना गरि पुस्कार वितरण गरिने जानकारी दिए । १० गते हुने औपचारिक कार्यक्रममा लागु औषध प्रयोगका असरबारे वृत्तचित्र प्रदर्शन गरिने उनले बताए ।

लागु औषध विरुद्व निशुल्क परामर्श केन्द्र नेपालगन्ज बाँकेको आयोजनामा सम्पन्न सो कार्यक्रम नेपालगन्ज उप–महानगरपालिकाको सहयोगमा सम्पन्न भएको थियो ।

लागु औषध विरुद्व निशुल्क परामर्श केन्द्रले जिल्ला प्रहरी कार्यालय बाँके, सामुदायिक (प्रहरी)सेवा केन्द्र बाँके तथा लागु औषध नियन्त्रण ब्युरो बाँकेसंग समन्वय र सहकार्य गरेको केन्द्रका स्वयंमसेवक बासुदेव उपाध्यायले जानकारी दिए ।

…

…

….