नेपालगन्जको बिग्रदो अर्थतन्त्रलाई सुधार गर्ने विष्णुको प्रतिवद्धता

विष्णु अत्यन्त मिलनसार,परोपकारी स्वभावका धनी, धैर्य गर्न सक्ने, विषयवस्तुको सुक्ष्म अध्ययन गरी व्यवसायिका समस्याका बारेमा प्रष्ट कुरा राख्न सक्ने व्यवसायिक नेताको रुपमा उदाउँदै गरेका व्यक्ति हुन् ।

कालपृष्ठ समाचारदाता
नेपालगन्ज, २४ साउन

नेपालगन्ज न्युरोडमा छ लुम्बिनी इन्टरप्राइजेज । तिन दशकको व्यवसायिक अनुभवले अहिले लुम्बिनी इन्टरप्राइजेज नेपालगन्जको चर्चित चुत्ता चप्पलको थोक विक्रेता बनिसकेको छ । पाल्पा तानसेनमा जन्मिएका विष्णुले नेपालगन्जलाई कर्मथलो बनाउँदैं आफनो व्यवसायका क्षेत्रमा एउटा नविनतम उचाई हासिल गरिसकेका छन् ।

व्यवसायका क्षेत्रमा आफुलाई अब्बल सावित गरिसकेका विष्णु अहिले समग्र उद्योगी, व्यवसायीका समस्यलाई समाधान गर्न नेतृत्वदायी भुमिका निर्वाह गर्ने लक्ष्य सहित चुनावी मैदानमा होमिएका छन् । आगामी भदौं २ गते हुन लागेको नेपालगन्ज उद्योग वाणिज्य संघको निर्वाचनमा बाणिज्य तर्फ उपाध्यक्षमा उम्मेदवारी दिएका विष्णु आफुजस्तै थुप्रै व्यवसायीले भोगिरहेका समस्या समाधान गर्न प्रतिवद्ध भएर लागिरहेका छन् ।

जुत्ता चप्पल व्यवसायको क्षेत्रमा करिब २८ वर्षको अनुभव छ विष्णुसँग । पाल्पा तानसेन नगरपालिका–१४ जन्मिएका विष्णुको व्यवसायिक करियर थोरै बजेटबाट सुरु भएको थियो । २०५३ सालमा नेपालगन्जको घरबारीटोलबाट उनले करिब २ लाख ५० हजार लगानीबाट व्यवसाय सुरु गरेका थिए । अहिले त्यो व्यवसाय करोडौंको कारोबार गर्ने क्षमतामा पुगिसकेको छ ।

व्यवसायिक अनुभव बढदै गएपछि उनले २०८० सालदेखि समृद्धि टे«डिङ कन्र्सनको सुरुआत गरेका थिए । बुबा धर्मराज र आमा सुनकुमारी श्रेष्ठको कोखबाट जन्मिएका विष्णुको दुई छोरी र एक छोरा छन् । छोरी सामना अस्टे«लियामा इन्जिनियरिङ अध्ययन गर्देछिन छोरा सक्षम १२ कक्षामा अध्ययन गर्छन भने अर्की छोरी ४ कक्षामा अध्ययन गरिरहेकी छिन् ।

नेपालमा चर्चित कम्पनीको रुपमा स्थापित गोल्डस्टार, रोयल फुटवेयर, म्याजिक जस्ता ब्रान्डले उत्पादन गर्ने जुत्ता चप्पलको उनी आधिकारिक विक्रेता हुन् । गत वर्ष लुम्बिनी इन्टरप्राइजेजले गोल्ड स्टार, रोयल फुटवेयर र म्याजिक कम्पनीको उत्कृष्ट डिलरका रुपमा पुरस्कृत भएका थिए ।

विष्णु अत्यन्त मिलनसार,परोपकारी स्वभावका धनी, धैर्य गर्न सक्ने, विषयवस्तुको सुक्ष्म अध्ययन गरी व्यवसायिका समस्याका बारेमा प्रष्ट कुरा राख्न सक्ने व्यवसायिक नेताको रुपमा उदाउँदै गरेका व्यक्ति हुन् । २०५३ साल देखि लुम्बिनी इन्टरप्राइजेज मार्फत जुत्ता चप्पलको थोक व्यवसायमा आवद्ध विष्णु नेपालगन्ज उद्योग वाणिज्य संघको वर्तमान कार्यसमिति सदस्य पनि हुन् । संघले उनले कार्यसमितिको खेलकुद समिति संयोजकको रुपमा पनि आफनो जिम्मेवारी पुरा गरेका थिए ।

नेपालगन्ज जुत्ता चप्पल व्यवसायी संघको निवर्तमान अध्यक्ष विष्णु सामाजिक क्षेत्रमा सक्रिय छन् । उनी लायन्स क्लब अफ नेपालगन्जका वरिष्ठ सदस्य, सामुदायिक प्रहरी सेवा केन्द्र बाँके सदस्य, सद्भाव एफएमका संस्थापक सदस्य, पाल्पाली मिलन केन्द्र बाँकेको सल्लाहाकार, नेवाःपुच बाँकेको कार्यसमिति सदस्य हुन् । आफु निर्वाचित भएपछि खुला सिमाना कारण घट्दै गएको नेपालगन्जको व्यापारलाई माथि उकास्न पहल गर्ने बताउँछन विष्णु । उनी भन्छन, ‘खुला सिमानाको फाइदा उठाउँदैं भारतबाट आउने अवैध सामानका कारण यहाँको अर्थतन्त्र बिग्रदो अवस्थामा छ । बिग्रदो अर्थतन्त्रलाई सुधार गर्न पहल गर्छु । यसले राज्यको अर्थतन्त्रलाई नराम्री असर गरेको छ । यसलाई सहित रुपमा व्यवस्थापन गर्न म नेतृत्वदायी भुमिका निर्वाह गर्नेछु ।’