बाँकेमा सर्बपक्षीय बैठकको निर्णयः धार्मिक विदेष फैलाउनेलाई कडा कारबाही गरिने

कालपृष्ठ समाचारदाता
नेपालगन्ज, १७ असोज
जिल्ला प्रशासन कार्यालय बाँकेमा बुधबार बसेको सर्वपक्षीय बैठकले सामाजिक संजाल तथा अन्य माध्यमबाट सामाजिक सद्भाव भडकाउने, धार्मिक विदेष फैलाउने र धार्मिक आस्थामा आँच आउने क्रियाकलापमा संलग्नलाई कानुन तत्काल कडा कारबाही गर्ने निर्णय गरेको छ ।

यसैगरी जिल्ला प्रशासन कार्यालय बाँकेमा बुधबार दिउँसो बसेको बैठकले शान्ति सुरक्षाको वर्तमान अवस्थालाई पुर्णरुपमा सामान्य अवस्थामा ल्याउने र नेपालगन्जमा क्षेत्र लगाएको कफ्र्यू क्रमश खुकुलो बनाउँदै लग्ने र पुर्ण रुपमा हटाउन जिल्ला स्थित सुरक्षा समतिलाई अनुरोध गर्ने निर्णय गरेको छ ।

यसैगरी बैठकले तेस्रो निर्णयका रुपमा सामाजिक सदभाव कायम राख्न र अब उप्रान्त सदभाव भडकिन नदिने प्रतिवद्धता गर्नुका साथैं सबै क्षेत्र, तह र तप्काको उल्लेख्य सहभागिता हुने गरी सदभाव ¥याली गर्ने सहमति गरेको छ ।

…………..

बुधबार भएको सर्वपक्षीय बैठकमा बाँकेका प्रमुख जिल्ला अधिकारी विपिन आर्चाय, बाँके क्षेत्र नम्बर २ का संघीय सासद डा. धवल शम्सेर राणा, लुम्बिनी प्रदेश सांसद कृष्णा केसी नमुना, नेपालगन्ज उपमहानगरपालिकाका मेयर प्रशान्त विष्ट, उपमेयर कमरुद्धिन राई, विभिन्न राजनिति दलका प्रतिनिधि, धार्मिक अगुवाहरु लगायतको सहभागिता रहेको थियो ।