हामी सगँसगैं हाम्रो पाईला संस्थाले बाँकेमा देउँसी भैलो खेल्दैं

कालपृष्ठ समाचारदाता
नेपालगन्ज, २६ कात्तिक
सामाजिक क्षेत्रमा काम गर्ने उद्देश्यले स्थापना भएको ‘हामी सगँसँगैं हाम्रो पाईला’ नामक संस्थाले हिन्दुहरुको महान पर्व तिहारको अवसरमा देउँसी भैलो खेल्ने भएको छ । महिला सशक्तिकरण, नेतृत्व विकास र पिछडिएका वर्गहरुको हक अधिकारलाई स्थापित गराउने उद्देश्यले स्थापना भएको संस्थाले पहिलो पटक देउँसी भैलो खेल्न लागेको हो । ‘संस्कृति संरक्षणमा हाम्रो पाईला’ भन्ने सन्देशका साथ देउँसी भैलो खेल्ने कार्यक्रमको तयारी संस्थाले गरेको छ ।

संस्कृतिको संरक्षणसँगै सामाजिक क्षेत्रमा काम गर्ने लक्ष्य सहित देउँसी भैलो खेल्न लागेको हामी सँगसँगैं हाम्रो पाईला संस्थाको अध्यक्ष उमा थापामगरले बताईन । संस्थाले देउँसी भैलो कार्यक्रमको तयारीलाई अगाडी बढाउन हामी सगँसँगैं हाम्रो पाईला संस्थाले सचिव मधु खड्काको संयोजकत्वमा तयारी अगाडी बढाएको छ ।
विभिन्न क्षेत्र र पेशामा आवद्ध व्यक्तिहरुको सहभागितामा देउँसी भैलो खेल्ने तयारी भैरहेको कार्यक्रम संयोजक खड्काले बताईन । कात्तिक २७ गते दिउँसो १२ः३० बजे देखि भैलो खेल्ने कार्यक्रमको तयारी भैरहेको उनले बताईन ।
भैलो कार्यक्रमबाट संकलन भएको आर्थिक रकम सामाजिक क्षेत्रमा खर्च गरिने उनले बताईन । भैलो कार्यक्रममा विभिन्न सांस्कृति प्रस्तुत र नेपाली मौलिक परम्परालाई झल्काउने प्रस्तुतीहरुको तयारी गरिरहेको खड्काले जानकारी गराईन् ।
महिलाहरुको उत्थानसँगै सामाजिक कार्य गर्ने उद्देश्यले खेल्ने लागिएको देउँसी भैलो कार्यक्रममा सम्पुर्णको साथ र सहयोगको अपेक्षा गरेको अध्यक्ष उमा थापामगरले बताईन । हामी सगँसँगैं हाम्रो पाईलाले आयोजना गर्ने उक्त देउँसी भैलो कार्यक्रमको मिडिया पार्टनरमा कालपृष्ठ दैनिक र सोसल मिडिया पार्टनर नेपालगन्ज ग्यालरी रहेको छ ।

……………….