साकार कृषि सहकारीको अभिमुखिकरण कार्यक्रम सम्पन्न

कालपृष्ठ समाचारदाता
नेपालगन्ज, १६ पुस

साकार कृषि सहकारी संस्था लिमिटेडले सहकारीको नवनिर्वाचित संचालक समितिका पदाधिकारी, लेखा समिति लगायतलाई सहभागि गराउँदैं दुई दिने अभिमुखिकरण कार्यक्रम गरेको छ ।नेपालगन्जमा भएको अभिमुखिकरण कार्यक्रम साकार कृषि सहकारी संस्था लिमिटेडका अध्यक्ष हुमा शंकर वलीको अध्यक्षतामा भएको थियो ।

बाँकेको राप्तीसोनारी गाउँपालिका वडा नम्बर ५ चिलरियामा मुख्य कार्यालय रहेको सहकारीको गत पुस ३ गते भएको १३औं साधारणसभाले वलीको नेतृत्वमा नयाँ संचालक समिति चयन गरेको थियो ।

मंगलबार सम्पन्न अभिमुखिकरण कार्यक्रममा संचालक समितिका पदाधिकारी,लेखा समिति, लेखासुपरिवेक्षण समिति, कर्जा उपसमिति र सेवा केन्द्रका संयोजक गरी २० जनाको सहभागिता रहेको थियो । अभिमुखिकरण कार्यक्रममा नेप्कसुन बाँकेका शाखाका प्रमुख छत्र धमलाले सहकारीको ऐन, नियम, संचालक तथा लेखा समितिको काम, कर्तव्य र अधिकारीको बारेमा अभिमुखिकरण गर्नु भएको थियो ।

साकार कृषि सहकारी संस्था लिमिटेडका मुख्य व्यवस्थापक जमान सिंह वलीले संस्थाको आन्तरिक कार्यविधि, संस्थाको १५ वर्षिय रणनिति, संस्थाले प्रदान गर्ने सेवा सुविधाको बारेमा सहजीकरण गर्नु भएको थियो । यसैगरी साकार कृषि सहकारी संस्था लिमिटेडका प्रबन्धक भरत बहादुर खत्रीले आर्थिक वर्षको बजेट तथा कार्यक्रम, नीतिहरुको बारेमा सहजीकरण गर्नु भएको थियो ।

……….

नवनिर्वाचित साकार कृषि सहकारी संस्था लिमिटेडका अध्यक्ष वलीले संस्थाका सबै संचालक, लेखा, सेयर सदस्यले सक्रिय भएर कार्य गरेमा संस्थाले सधै सफलता हासिल गर्दै शिर्ष स्थानमा रही रहने बताउनु भएको थियो ।