साकार कृषि सहकारीको योजना, एक टोल एक उत्पादन

कालपृष्ठ समाचारदाता
नेपालगन्ज, २९ असार
ग्रामिण कृषि क्षेत्रको विकासलाई आफनो मुख्य लक्ष्य मानेर काम गरिरहेको साकार कृषि सहकारी संस्थाले वार्षिक बजेट निर्माण तथा योजना तर्जुमा कार्यक्रम सम्पन्न गरेको छ । किसानलाई गाउँमै कृषि कर्म मार्फत आर्थिक स्तर उकास्ने योजना सहित १४औं वार्षिक बजेट निर्माण तथा योजना तर्जुमा कार्यक्रम सम्पन्न भएको संस्थाले जनाएको छ ।

साकार कृषि सहकारी संस्थाका अध्यक्ष हुमाशंकर वलिको अध्यक्षतामा भएको कार्यक्रमले ४६ करोड ३ लाख ९९ हजार ११ रुपैयाँको बजेट परिक्षेपण गरेको छ ।

यस वर्षको बजेटमा कृषि क्षेत्रलाई बढी प्राथमिकतामा राखी विउ उत्पादन गर्दै किसानलाई प्रोत्साहन रकम सहित एक टोल, एक उत्पादन जस्ता कार्यक्रमहरु समावेश गरिएको छ ।

कार्यक्रममा स्वागत मन्त्वय साकार कृषि सहकारी संस्था लेखा सुपरिवेक्षण समिति संयोजक सुर्यप्रकाश घर्तीमगरले गर्नु भएको थियो भने कार्यक्रमको सहजीकरण संस्थाका मुख्य व्यवस्थापक जमान सिंह ओली र प्रबन्धक भरत बहादुर खत्रीले गर्नु भएको थियो ।

नायम प्रबन्धक निम बहादुर घर्तिले संचालन गर्नु भएको कार्यक्रममा संस्थाका संचालक समिति सदस्य, लेखा सदस्य, विभिन्न उपसमितिका संयोजक, सदस्यहरु, संस्थाका पुर्व अध्यक्ष र कर्मचारीहरुको सहभागिता रहेको थियो ।