प्रहरीले यसकारण प्रक्रियो अष्टेलियामा नेपाली युवालाई

सिड्नी-अष्टेलियाको सिड्नी स्थित एक रेष्टुरेन्टबाट दुई नेपाली युवकलाई प्रहरीले पक्राउ गरेको छ । सिड्नीस्थित म्याकडोनाल्ड रेस्टुरेन्टबाट एक युवतीमाथि कुटपिट गर्ने कार्यमा संलग्न पवन श्रेष्ठ र नोर्बु शेर्पालाई प्रहरीले पक्राउ गरेको हो ।
रेष्टुरेन्टमा गएका पवनले त्यहाँ उपस्थित एक महिलामाथि एक्कासी मुक्का हानेको र त्यसको बदलामा ती महिलाका केटा साथीले पवनमाथि प्रतिआक्रमण गरेसँगै कुटाकुट सुरु भएको प्रत्यक्षदर्शीलार्इ स्थानीय संचारमाध्यमले बताएका छन् । ।

युवतीमाथि आक्रमण गर्ने पवन श्रेष्ठलाई ती युवतीका केटासाथीले मुक्का हान्दा उनी घाइते भएको र मुख रगताम्मे बनेको बताईएको छ ।

कुटाकुट चलिरहँदा रेष्टुरेन्टमा उपस्थित मानिसहरुले झगडा साम्य पार्ने कोसिस गरे पनि असमर्थ रहे । केही क्षणमै प्रहरी आएर दुबैजना नेपाली युवालाई पक्राउ गरेको बताइएको छ । प्रहरीका अनुसार ती दुर्इ नेपाली युवा र केटीवीच कुनै चिनजान भएको देखिदैन् । चिन्दै नचिनेकी केटीमाथि किन यी युवाहरू जाइलागे भन्ने बिषयमा प्रहरीले अनुसन्धान गरिरहेको छ ।

पर्यटक भिसामा अष्ट्रेलियामा रहेका दुबैजना विरुद्ध मुद्दा चलाइएको छ । उनीहरु धरौटीमा मुक्त भएको तर पासपोर्ट भने जफत गरिएको बताइएको छ । कुटपिटमा संलग्न युवाहरुलाई आउँदो फेब्रुअरीमा अदालतमा पेश गरिने समाचारमा उल्लेख छ ।