बी–ग्रुपद्धारा स्वास्थ्य तथा सरसफाई सामाग्री सहयोग

कालपृष्ठ समाचारदाता
नेपालगन्ज, १८ असार
कोरोना संक्रमणको संभावित तेस्रो लहरको तयारीको लागि भेरी वातावरणीय विशिष्ठता समुह (बी–ग्रुप)ले जिल्ला कोभिड–१९ संकट व्यवस्थापन केन्द्र बाँकेलाई स्वास्थ्य तथा सरसफाई सामग्री उपलब्ध गराएको छ । युकेएडको आर्थिक सहयोग, सेभ द चिल्ड्रेनको कन्र्सोटियम र केयर नेपालको साझेदारीमा उक्त सामग्री उपलब्ध गराइएको हो ।
बी–ग्रुपका सचिव टेकबहादुर पुनले जिल्ला कोभिड–१९ संकट व्यवस्थापन केन्द्र बाँकेका संयोजक तथा बाँकेका प्रमुख जिल्ला अधिकारी शिवराम गेलाललाई १३ लाख ३३ हजार २ सय ३९ बराबरको पिपिई सेट, डेडबडी ब्याग, फेशशिल्ड, पल्स अक्सिमिटर, सेनिटाईजर,सर्जिकल ग्लोब, सर्जिकल मास्क, ग्लोब्स, भिटिएम लगायतका सामग्री हस्तान्त्रण गरिएको जानकारी दिए ।
सो अवसरमा बाँकेका प्रमुख जिल्ला अधिकारी गेलालले सबै संस्थाको सहयोगले मात्र विपदको सामना गर्न सकिने भएकोले सहयोग निरन्तरता संगै सहकार्य जारी राख्न आग्रह गरे । उनले संभावित तेस्रो लहरको तयारी बाँके जिल्लामा सुरु भइसकेको बताए ।
बी ग्रुपले बाँकेका खजुरा गाउँपालिका, नेपालगन्ज उप–महानगरपालिका, राप्तीसोनारी गाउँपालिका र बैजनाथ गाउँपालिकालाई पनि पिपिई सेट, फेशशिल्ड, पल्स अक्सिमिटर, सेनिटाईजर, सर्जिकल ग्लोभ्स, सर्जिकल मास्क, गल्भ्स, भिटिएम लगायतका सामग्री हस्तान्त्रण गरेको छ ।